танкіге қарсы басқарылатын реактивтік снарядтар

(Противотанковые управляемые реактивные снаряды)

құрлықтағы әскер бөлімдерінің қарамағындағы танкіге қарсы қуатты күрес құралы. Т.қ.б.р.с. ұрыс машиналарынан, сауытты транспортерлардан немесе өткізгіш қондырғылардан тікелей бағытталады. Соңғы жылдары капиталистік елдердің әскерлерінде құрылымы мен тактикалық-техникалық сипаты жағынан әр түрлі Т.қ.б.р.с. пайда болды. Олардың көпшілігі мынадай негізгі бөліктерден тұрады: ұрыс бөлігі, реактивтік қозғалтқыш, планер, реттегіш бөлік, бағыттау мен басқару жүйесі құралдары, элерондар. Ұрыс бөлігі кумулятив тектес жарғыш зарядтан, тұтандырғыштан, капсюль тұтандырғыш пен жарғыштан тұрады. Снарядты қашықтан сыммен немесе радиомен басқаруға болады. Снарядтардың көпшілігі сым арқылы әмір беретін телебасқару жүйесімен жабдықталған. Шетел баспасөзі мәліметтері бойынша, қазіргі Т.қ.б.р.с-дың жылдамдығы 80/130 м/сек, ату қашықтығы 1—5 км, салмағы 6—20 кг және қалыңдығы 400/600 мм сауытты тесуге қабілетті. Танкіге тигізу дәлдігі 80—90% кумулятивті ұрыс бөлігін жарықшақты немесе фугастыға ауыстырған жағдайда Т.қ.б.р.с-ды, тірі күштерді, қарсыластың далалық қорғаныс ғимараттарын және басқа нысаналарды жою үшін қолдануға болады.